dimanche 20 mars 2011

Ntibikiri ibanga

Mu kiganiro cyatambutse kuri Radio na Televiziyo by’u Rwanda kuri iki cyumweru tariki 13/03/2011, kikaba cyaravugaga ku mutekano w’u Rwanda muri rusange n’uruhare rwa Polisi y’Igihugu mu kuwubungabunga, Inspector General of Police (IGP) Emmanuel Gasana yatangaje ko grenades zimaze iminsi ziterwa hirya no hino mu gihugu cyane cyane mu Mujyi wa Kigali, abazitera bakorana na Kayuùmba Nyamwasa ; Karegeya Patrick, FDLR ya ba Mudacumura na FDU Inkingi. Afande Emmanuel Gasana akaba yaratinze kuri iki kibazo, ashimangira ko ibikorwa bya Kayumba Nyamwasa na Karegeya bireba buri munyanrwanda wese.

Inspector General of Police Emmanuel Gasana yagize ati : Nta muntu n’umwe ukwiye kujya hariya ngo yumve ko ashobora gukinisha umutekano w’abanyarwanda uko ashaka, uko abyumva n’igihe abishakiye. Ati Kayumba na Karegeya bagize batya barunuka kubera ubusambo bwabo n’imigambi mibi bari bafite babonagaga ko iburiyemo. Yihanangirije cyane abishora muri biriya bikorwa by’ubugizi bwa nabi, avuga ko Polisi y’Igihugu ifite ubushobozi bwo kubatahura no kubafata, kandi ko amategeko agomba gukora. Yagaragaje ko Polisi y’Igihugu cy’u Rwanda ikomeje kugirirwa icyizere n’isi yose aho bu yitabazwa kujya kugarura amahoro mu bihugu bitandukanye.

Ubu mu bihugu nka Sudani ; Tchad ; Liberia ; Haïti n’ahandi Abapolisi b’u Rwanda barahari kandi baritwara neza mu rwego rwo kuzuza inshingano bahabwa n’Umuryango w’Abibumbye.

Ni muri urwo rwego kandi Abapolisi mu nzego zitandukanye barimo bahabwa amahugurwa atandukanye, kimwe n’inama zihuza Ibihugu bitandukanye byo ku isi zikunze kubera mu Rwanda, hagamijwe cyane cyane kugaragaza ubuhanga n’ubushobozi igipolisi cy’u Rwanda gifite. Ni muri urwo rwego kandi mu Rwanda hateganyijwe inama izahuza Ibihugu bitanduklanye bya Afrika na FBI, kuva tariki 14 kugeza kuri 18/03/2011, ikazabera i Kigali, Inspector General Emmanuel Gasana akaba yaratangaje ko iyo nama izaba ibaye ku nshuro ya gatatu muri Afrika. Kuba rero u Rwanda rwaratoranyijwe ngo rwakire iyo nama, kikaba ari ikimenyetso kidashidikanywaho cy’uko hari byinshi rushimwaho ku rwego rw’umutekano, bigasobanura ko Police yarwo ari umutwe ukomeye abandi baba bashaka kwigiraho byinshi.

Ibibazo bitera umutekano muke

Ku mpamvu zitera umutakano muke mu gihugu Komiseri wungirije wa Polisi y’Igihugu ushinzwe ibikorwa bya Polisi Emmanuel Butera yavuze ko hari impamvu zitandukanye zihungabanya umutekano w’abantu n’ibyabo. Muri byo hari : Impanuka zo ku mihanda zihitana ubuzima bw’abantu ; ibiyobyabwenge nk’Urumogi ; Kanyanga n’ibindi…, Inzoga z’inkorano nka NYIRANTARENGWA ; YEWE MUNTU ; MURITURE N’IZINDI…

Hari kandi na zamagendu, bougie zitwika ibintu mu mago ndetse n’abantu bakayahiramo kimwe n’urusaku rwa nijoro kenshi bikorwa ngo n’abarara basenga. Aha Polisi y’Igihugu ikaba iganira na MINALOC ifite amatorero mu nshingano zayo kugirango hanozwe uburyo bwo gushinga amadini, kuko bimaze kugaragara ko muri ayo madini harimo akajagari gakabije.

Tugarutse ku kijyanye n’umutekano wo ku muhanda, Komiseri Butera yibukije ko impanuka zibera ku mihanda kenshi ziterwa n’umuvuduko mwinshi w’abashoferi bamwe, hakaba n’ababa basinze, ndetse n’imodoka ziba zirwaye.

Aha akaba yarakanguriye abatunze ibinyabiziga ko bagomba gusuzumisha imodoka zabo mu kigo cya Polisi kibishinzwe « CONTROLE TECHNIQUE », dore ko noneho imbogamizi yari ihari yo kumara igihe kinini imodoka zitarasuzumwa itakiriho, Komiseri Emmanuel Butera yatangaje ko ubu ikigo cya Police « Contrôle Technique » gifite ubushobozi bwo kugenzura hagati y’imodoka 180 na 250 ku munsi. Birumvikana rero ko nta rundi rwitwazo rwa ba nyir’ibinyabiziga dore ko wasangaga bijujuta ngo bamara igihe kinini ku murongo kuri Contrôle Technique.

Komiseri wungirije Emmanuel Butera ariko, yanagarutse ku kindi gikorwa kigayitse cy’abakobwa babyara bakajugunya abana muri za W.C. Ibi byose Polisi y’Igihugu ikaba ikomeje gusaba abanyarwanda kubyirinda no gutanga amakuru y’aho bumvise cyangwa babonye bimwe muri byo.

Naho Komiseri wungirije ushinzwe ishami ry’Ubugenzacyaha (CID) Christophe Bizimungu, we yavuze ku bindi byaha birimo ubwambuzi bushukana (Escroquerie) bukorerwa kuri za Internet, aho bakubwira ko bashaka kukoherereza amafaranga kuko tombola ari wowe yaguyeho, ariko ukaba ugomba kubanza kugira ayo ushyira kuri compte runaka. Hari na ba bandi batubura rero, aho bakubwira ngo uzane 100.000 Frw bagutuburiremo 500.000 Frw ! Hari n’ibyo gucuruza abantu cyane cyane abana, aho ababikora ku isi babifitemo inyungu y’akayabo ka miliyari 39 z’amadorali y’amanyamerika. Ku bindi hari nk’icyaha cy’ingengabitekerezo ya Genocide kimwe no gupfobya Genocide, ibi byaha ariko, yavuze ko byagabanutse, gusa ngo bikaba bikunze kugaragara mu gihe cy’icyunamo.

Komiseri wungirije wa Polisi Christophe Bizimungu akaba yaribukije ko mu ikurikirana ry’ibyaha, abantu bakwiye kujya bitondera aho byakorewe kuko hari ibimenyetso Police iba igomba kuhavana, bityo agasaba ko batahegera cyane, ikindi abantu bakajya borohera Police, cyane cyane abashaka amakuru kuko hagomba umwanya wo kwegeranya ibyangombwa byose bijyanye n’ikorwa ry’icyaha.

Ku bibazo bitandukanye byabajijwe birimo ibireba Traffic Police byashubijwe n’ukuriye ririya shami Spdt Vincent Sano bimwe muri byo bikaba ari ibya za permis, kimwe n’isuku ku batwara za moto. Komanda wa Traffic Police yatangaje ko ku kirebana n’isuku ku bamotari, ku bufatanye bwa Traffic Police n’amashyirahamwe yabo hamaze gushyirwaho agatambaro ko kwambara mu mutwe mu rwego rwo kwirinda umwanda wabonekaga muri ziriya ngofero (casques). Naho ku bya permis avuga ko ubu Police yashyizeho uburyo bworoshye bwo kuyikorera kandi bukoreshwa mu Rwanda hose.

Kuri iyi ngingo y’abamotari ariko, Umukuru wa Police Inspector General of Police Emmanuel K. Gasana yabwiye abatwara za moto mu buryo budakurikije amatageko, atangaza ku mugaragaro ko bagiye ahubwo kongera imbaraga mu guhashya abo bose kuko, bene abo aribo bateza n’ibibazo.

Inspector General of Police yashoje ikiganiro yongera gusaba abaturage bose ko umutekano w’Igihugu ureba buri wese, kandi ko mu gihe cyose hagize ubona igishobora kuwuhangabanya, yakwihutira kubimenyesha Police imwegereye cyangwa agaterefona kuri nomero zitishyura za Police arizo: 112 cg 113. Hari kandi na 3512 ushobora guhamagaraho igihe ubonye ibikorwa by’ihohoterwa ry’abagore, na 3511 mu gihe uhohotewe n’umupolisi.

Inspector General of Police, akaba yarijeje abanyarwanda kandi ko umutekano wabo n’ibyabo Police iwitayeho, by’umwihariko ikaba ifite (Security Plan) cyangwa (Plan de Sécurité) yo kurinda umutekano w’abarokotse Genocide dore ko twegereje n’ibihe by’icyunamo. Ati nk’uko bisanzwe, umutekano wabo tuzawubungabunga mu buryo bwose bushoboka.

Niyonambaza Assumani.

jeudi 17 mars 2011

Depite Ashinzwuwera yasebeje inteko !!

Twavuze kenshi ko ari ukubona abantu bagenda gusa ukaba wakeka koko ko ari abantu, naho bamwe ari nk’inyamaswa. Bamwe bitwa abayobozi bo rero iyo ubabonye bagamitse amajosi mu madoka ahenze, amakaruvati banigirije sinakubwira, ugira uti umutegetsi hano; byahe byo kajya iyo nashyize data!!

Mu nkuru zivugwa muri iyi minsi harimo iy’Umudepite witwa ASHINZWUWERA Alexandre uri mu maboko y’ubutabera nyuma yo gukurirwaho bya bindi bita ubudahangarwa cyangwa immunité, azira amahano yari amaze igihe akorera murumuna we, ibyo umuntu yakwita iyica rubozo!!



Ubundi Ashinzwuwera ni nde?

Ni umusore uri mu kigero cy’imyaka hafi 30. Kubera iby’ubu ngo by’amashyaka, uwo muhungu ngo akaba yarabonye intebe mu Nteko Ishinga Amategeko hariya ku Kimihurura abikesha mucuti we Safari Stanley ku itike yamuhaye mu izina ry’ishyaka P.S.P Safari yari akuriye.

Twibutse abasomyi ko Stanley yari umusenateri benshi bakunze kwibeshyaho, akaza gutoroka ubutabera nyuma y’uko ahamwa n’icyaha cya jenodide, ubu akaba ari hanze y’u Rwanda ariko ari mu bashakishwa kuko yahawe igihano cya « BURUNDU Y’UMWIHARIKO », kubera nyine jenoside yakoreye iwabo ku ivuko i Cyarwa cy’Imana mu Karere ka Huye. Biravugwa ko yaba ari kwa murumuna we Ndagije, umunyemari uba mu gihugu cya Mozambique.

Nyuma yo kumenyekana kw’ariya mahano Depite ASHINZWUWERA Alexandre yakoze, abamuzi ntibyabatunguye kuko n’ubu bakivuga ko nta kuntu yaba akomoka kuri Safari ngo abe muzima !!

Ntibwari ubwa mbere

Uwo musore wuje ubutindi n’ubugizi bwa nabi, dore ko n’imibanire ye n’abandi bantu itari ihwitse (insociable), ibyo yakoreye murumuna we byari agasanzwe !!

Uwo mwana w’imyaka 12 witwa HAGENIMANA Eric Edwin, asangiye nyina gusa na sedata wanjye uwo ngo ni Depite ye!! Bakaba bari basanzwe babana mu rugo kwa mukuru we za Nyakabanda iyo muri Nyamirambo hafi yo kwa Gisimba. Ubwo ariko hari na mushiki wabo witwa Josiane nawe babanaga, aza kuhava asa nk’umeneshejwe n’uwo mudepite-muvandimwe-gito kubera kubahoza ku nkeke bombi !! Josiane amaze kugenda, Depite wagirango yari abonye umwanya wo kuzahorahoza murumuna we. Harya buriya umuntu agereranyije ASHINZWUWERA na Kaïni uvugwa mu gitabo cy’intangiriro muri Bibiliya yaba aciye inka amabere ??

Nyirabayazana ni inoti y’1000

Nk’uko twabitangarijwe n’abakunze gukurikirana hafi iby’imibanire ya Depite na barumuna be, uriya mwana ngo yazize ko mukuru we yamuhaye inoti ya 2000 Frw ngo ajye kugura umuriro w’amashanyarazi w’1000. Bimwe by’uburangare bw’abana rero,ngo yaribagiwe ntiyasobanurira abacuruza umuriro, bityo bamuha uwa 2000 Frw. Reka rero umwana bimuyobere yiyahure, nagera mu rugo abikoze mukuru we undi yiterere hejuru ati ugomba kujya kunzanira 1000 Frw bitaba ibyo nkakubika mu ngunguru y’amazi ashyushye kandi nkagukubita !! Umwana yasubiyeyo abitekerereza umusore w’umuturanyi, uyu nawe amujyana aho yaguriye umuriro ngo arebe ko byashoboka kumugarurira. Byarananiranye kumugarurira, umwana abwira uwari umuherekeje ati n’ubundi mperekeza tujyane kwa mushiki wanjye ndebe ko yampa 1000 Frw cy’abandi ! Bagezeyo mushiki we yarayamuhaye ahita asubira mu rugo, ariko ahageze Depite ati mpaka ugiye kunyereka uwayaguhaye !!

Ntimumbaze ibyakurikiyeho, icyaje kumenyekana gusa ni uko Depite yeguye urusinga rw’amashanyarazi (câble) yari yarageneye ako kazi ko guhondagura murumuna we !! Si ukumukubita rero yaramubaze, « REBA AMAFOTO » amaze kumunoza yatsa PRADO, Depite wawe aba aciyeho asiga intere aho ! Inkuru rero yahise igera kuri mushiki wabo Josiane dore ko atari akihakandagiza ikirenge, ariko yabaye kw’uwiyahura aza kureba uko umwana yabaye. Birumvikana ko yabanje guperereza ngo amenye niba icyo gitangaza cy’umutegetsi kigihari.

Nkuko twabitangarijwe n’umusore witwa RUDAHANGARWA Issa William wari usanzwe amenya amakuru y’ibyo Depite akorera murumuna we, Josiane ahageze yakubise amaso musaza we muto biramurenga, nibwo abonye ko adashobora kwihangana asaba uriya musore RUDAHANGARWA ko yamuherekeza bakajya kwereka Polisi uko uwo mwana ameze.

Bageze kuri Station ya Polisi ya Nyamirambo yabonye ko birenze igipimo kuko nk’uko byavuzwe umwana yari yahohotewe bikabije bimwe byitwa iyicarubozo !! Polisi rero yakoze ibiri mu nshingano zayo yakira ikirego cyari kizanywe na Josiane.

Umwana ntiyashubijwe mu rugo, ahubwo yahise ajyanwa mu Kigo « Isange One Stop Center » gikorera ku bitaro bya Polisi ku Kacyiru.

Birumvikana ko iperereza ryahise ritangira ndetse na Depite agahamagazwa ngo agire ibyo asobanura. Hagati aho dosiye yarakozwe, ishyikirizwa ubushinjacyaha bukuru ari nabwo bufite ububasha bwo gusaba urwego rukuriye Depite kumukuraho immunité kugirango butangire kumukurikirana mu nkiko.

Yivuyemo !

Buriya inkozi z’ibibi ntizijya zitangwa ku kintu cyo kwihagararaho. Tukimara kumenya iyo nkuru y’urukozasoni ku muntu witwa Umudepite, twaramuhamagaye tumubaza icyo abivugaho. Yatubwiye rero ko ngo kuva yabaho nta muntu n’umwe aragirira nabi. Ntiyaduhakaniye na gato ko atakubise murumuna we, gusa yemera ko ngo yamukubise byo kumucyaha !!

Yakomeje atubwira ko ngo murumuna we yari atangiye kugenda muri groupes z’abana bagenzi be b’ibirara bityo ngo akaba atari kubyihanganira kandi ngo yumva biri mu nshingano ze guhana murumuna we. Tumubajije iby’uko yamuciye ibisebe yavuze ko ngo ari ukumuharabika, ko ngo ababikwiza ngo bashobora kuba babifitemo inyungu.

Mu gihe kandi twari mu byo gukurikirana iby’imyitwarire y’uyu mudepite, bagenzi be mu Nteko nabo bari mu kigare dore ko abenshi bumvaga ko ngo ari amakabyankuru !!

Muri make bumvaga bidashoboka ko Umudepite yakora amahano nk’ariya. Ni nayo mpamvu mu mpaka zo kumukuraho immunité nk’uko twabibwiwe na bamwe mu badepite, hari abatari bake bumvaga nta mpamvu ifatika yo kumukuraho iyo immunité. Rya yihagararaho ryabo rero, Depite ASHINZWUWERA ngo yarasheze cyane, ariko ajijisha, avuga ngo « RWOSE NTA KIBAZO NDASABA AHUBWO KO MWANGIRIRA VUBA MUKAYINKURAHO (immunité) NKAJYA KUGARAGAZA KO IBYO MVUGWAHO ARI IBINYOMA !! ».

Muri make yarotaga kwikoza mu nzego zikurikirana ibyaha agasubiza utwo tubazo, mu minota mike, akaba agarutse mu ntebe ye !! Mama we !!

Reka tubirekere bene byo « UBUTABERA » ubwo tuzamenya izo nkubaganyi zubahutse Nyakubahwa kandi nidusanga zaramusebeje tuzasaba ko zitanga icyiru !!

Muri uko gusaba ko akurwaho immunité ariko, Depite yavaga mu Nteko akajya gutekinika mu yindi système kuko, hagati aho yaje kwiyunga n’abo yari yarajujubije, ndetse umwana ava muri Isange asubira kwa mukuru we. Habaye amasezerano hagati ye nabo ndetse na nyina umubyara, ndetse arahirira ko atazongera aka rya sengesho ngo « IBYAHA BYANJYE BYOSE NDABYANZE KUKO BINTERANYA NAWE BIKADUTANDUKANYA ITEKA » !!!.

Aba nabo bamurahirira rwose ko batazamuvamo cyane cyane mushiki we Josiane, kandi koko niko byagenze kuko mbere gato y’uko Depite atabwa muri yombi na nyuma yaho, nta n’umwe muri bo wigeze yongera kuvuga ibyo Depite yabakoreye, cyane cyane uyu Josiane. Bigaragazwa no kuba twaramuhamagaye ngo agire icyo adutangariza ariko yari atumaze !! Yatubwiye ko ibyo tumubaza kuri musaza we ntabyo azi na mba !!.

Nimwiyumvire namwe umuntu wari umaze ibyumweru bibiri areze musaza we ko yabajujubije, ariko ubu akaba avuga ko « RWOSE MUSAZA WE ARI UMWERE » ».

Reka tubitege amaso.

Niyonambaza A.

mercredi 16 mars 2011

“Rwanda iriyama Uganda”

Amakuru atugeraho aravuga yuko u Rwanda ruherutse kwiyama Uganda kutazahirahira ngo itere inkunga Kayumba Nyamwasa na bagenzibe mu mugambi uvugwa wo kuba batera u Rwanda, bitaribyo narwo rugafata ingamba zikarishye.

Amakuru agaragara ku murongo wa iwacu avuga yuko Kigali yasabye ibihugu bya Amerika n’u Bwongereza kumvisha Perezida Kaguta Museveni yuko igikorwa icyo aricyo cyose cyo gushyigikira ba Nyamwasa kitari kure yo gukurura intambara hagati y’u Rwanda na Uganda ! Ayo makuru akavuga yuko amakenga u Rwanda rufitiye Uganda ashobora kuba afite ishingiro ngo kuko nyuma gato yuko urukiko rwa gisirikare rukatira Nyamwasa, Karegeya, Gahima na Rudasingwa igifungo cyo hagati y’imyaka 20 na 25, ngo Gen.Kayumba Nyamwasa na Col. Patrick Karegeya bari Kampala mu ruzinduko rufite impamvu zidasobanutse.

Abahamya yuko Nyamwasa na bagenzi be baba bategura ibitero byo kugaba ku Rwanda bakavuga yoko urwo ruzinduko rw’abo bawofisiye bakera ba RDF muri Uganda rugomba kuba rwari rugamije gukorana imishyikirano n’imitwe yitwaje ibirwanisho mu burasirazuba bwa Kongo ngo bapange uko bafatanya urugamba rwo gutera u Rwanda. Iyo mitwe harimo FDLR, Mai Mai cyimwe n’abo mu mumutwe wa CNDP banze kwinjizwa mu gisirikare cya leta ya Congo. Iki gice cya CNDP kirakariye u Rwanda kubera yuko rufunze umuyobozi wacyo, General Laurent Nkunda, cyikanarushinja kuba arirwo rwasenye urugamba rwa CNDP ku kagambane na Perezida Joseph Kabila.

Amakuru yuko Perezida Museveni aherutse mu ruzinduko rw’iminsi ibiri muri Afurika y’Epfo nayo yatumye abantu babivugaho byinshi. Bamwe bakavuga yuko Perezida wa Uganda ashobora kuba yaragiye gusaba Perezida Jacob Zuma kutazita kuri za manda mpuzamahanga u Rwanda rwasohoye zo guta muri yombi ba Nyamwasa na Karegeya. Abandi bagatekereza yuko Amerika n’u Bwongereza bwaba bwarasabye Perezida Zuma kugerageza guhosha uwo mwuka mubi uvugwa hagati y’uRwanda na Uganda, Museveni akaba yari yatumijwe na Zuma ngo amusobanurire uko ibintu bimeze, hakaba hitezwe na Perezida Kagame kuzajya gusobanura aho akura urwo rwikekwe rw’uko Uganda yaba itera inkunga ba Nyamwasa ngo bashyire mu bikorwo icyo bita kubohora u Rwanda bwa kabiri (second liberation ).

Mu ibaruwa ariko Karegeya yandikiye abagize akanama ka LONI gashinzwe umutekano ku isi, Karegeya, avuga yuko bo bashaka kubohora u Rwanda badakoresheje ingufu za gisirikare. Twagerageje gushakisha abavugizi ba minisiteri y’ububanyi n’amahanga y’uRwanda ngo igire icyo yavuga kuri aya makuru ntibyashoboka ariko mu mpera z’umwaka ushize perezida Kagame yavuze yuko koko Nyamwasa na Karegeya bakora ibikorwa byo guhungabanya umutekano w‘u Rwanda, babikorera ku butaka bwa Afurika y’Epfo ! Hari mu kiganiro n’abanyamakuru muri village Urugwiro aho Kagame yavuze yuko igihugu cya Afurika y’Epfo cyabimenyeshejwe ngo ariko kikareka ba Nyamwasa bagakomeza gukorerayo imyiteguro yo guhungabanya umutekano mu Rwanda.

Icyo gihe havugwaga ibyo guhungabanya umutekano, birimo ibyo guturitsa ibisasu, ariko ubu haravugwa ibyo gutera.

Kuba Kigali ikeka amababa yuko Afurika y’Epfo kuba ibogamiye kuri ba Karegeya na Nyamwasa, byagora Perezida Jacob Zuma kumvikanisha ba Perezida Kagame na Museveni niba koko ubwongereza na Amerika barabimusabye ! Ibi bije igihe Great Lakes Voice itangaza yuko Leta Zunze Ubumwe ziburira abanyagihugu bacyo kutirara ngo kuko Atari muri Uganda no mu Burundi honyine ngo ahubwo ibyihebe nka al-Qaida na al-Shabaab bishobora no kugaba ibitero mu Rwanda. Ntabwo Amerika asaba abaturage bayo kudakora ingendo zitari ngombwa mu Rwanda nk’uko yabikoze kuri Uganda no ku Burundi ariko ibwira abaturage bayo baba mu Rwanda gufata ingamba za ngombwa mu gufasha leta y’u Rwanda kwicungira umutekano. Nk’uko GLV ibivuga ngo ingamba Ambasade ya Amerika ibwira abanyamerika baba mu Rwanda gufata harimo kugirira amakenga ibikorwa biteye amatsiko(suspicious activities) no guhita babimenyesha polisi y’u Rwanda bahamagara nomero 311. Ngo bagomba kandi guhora bibaza iki kibazo: Nakora iki haramutse habayeho igitero(an attack ) ? Biramutse bibaye witegure uko washyira mu bikorwa ibisubizo waboneye iki kibazo.

Ikindi abo banyamerika bagirwaho inama ni uguhora birinda ahantu hakusanyikirwa abantu benshi, cyane aho abanyaruhu rwera(westerners) benshi baba bakusanyikiye cyangwa aho abashinzwe umutekano baba batagaragara.

Kandi ngo bakareba yuko telephone mobile zabo zihora zisharije(zirimo umuliro) kandi buri gihe zibari hafi.

GLV ivuga yuko yaganiriye n’umuvugizi wa polisi, Superintendent Theos Badege, kuri telephone akababwira yuko aribwo bwa mbere kumva iyo nkuru yo kubwira Abanyamerika kuryamira amajanja(story of alert) ngo ariko yongeraho yuko ibyo aribyo byose nta mpamvu yo gukuka umutima kuko abashinzwe umutekano mu Rwanda burigihe baba biteguye no guhashya igitero aho cyaturuka hose. Nk’uko Badege abivuga n’umwofisiye mu nzego z’ubutasi yavuze yuko ibintu babikurikiranira hafi kandi nta bwoba biteye (situation is under control and closely monitored) !

Igihe Kayumba Nyamwasa yarakiri umugaba mukuru w’ingabo za RDF u Rwanda na Uganda byatabaranye muri Kongo, ibihugu byombi birwanya ubutegetsi bwa Laurent Kabira wari umaze kubihinduka kandi ari byo byamwimitse.

Abasirikare b’ibi bihugu byombi( RDF na UPDF) bageze Kisangani ubwabo barirwanira n’ubwo bari bazi yuko umwanzi wabo bombi ashyigikiwe ku rugamba n’ibihugu byinshi birimo Angola, Zimbabwe, Namibia an Tchad. Iyo mirwano hagati y’u Rwanda na Uganda yabaye incuro ebyiri kandi zombi Uganda ihatakariza bikomeye. Bivugwa yuko yaba Kayumba Nyamwasa cyangwa Jeje Odongo wari ukuriye ingabo za Uganda batavugaga rumwe n’abashebuja ku bijyanye n’ubushyamirane bwari hagati y’u Rwanda na Uganda. Ngo Nyamwasa ntiyabivugagaho rumwe na Kagame nk’uko Odongo atabivugagaho rumwe na Perezida Museveni. Amakuru akavuga yuko ibyo byaje kugaragara nk’aho Kayumba Nyamwasa yari ashyigikiye umurongo wa Museveni naho Jeje Odongo ashyigikiye uwa Kagame.

Ibi byaje gushimangirwa n’uko nyuma gato y’imirwano ya Kisangani abagaba bakuru b’ingabo baje guhindurwa ku mpande zombie, Kagame akuraho Nyamwasa amusimbuza James Kabarebe naho Museveni akuraho Odongo ashyiraho James Kazini. Ababikurikiranira hafi bakavuga yuko nta gitangaza kuba Nyamwasa atorotse Kagame yanyuze muri Uganda, agaherekezwa neza kugeza yigereye muri Afurika y’Epfo nk’uko na Karegeya wamubanjirije ariko byabaye !

Igihe Kayumba Nyamwasa yarasirwaga muri Afurika y’Epfo agakomeretswa igisirikare cya Uganda cyasohoye itangazo kivuga yuko kibabaye cyane. Mukiganiro Perezida Kagame yagiranye n’abanyamakuru muri icyo cyumweru yavuze yuko kubabazwa n’umuntu wari ugiye gutakaza ubuzima ari ikintu cyumvikana. Yongeraho yuko aho ikibazo kiri ariko hari abanyarwanda benshi barashwe ndetse n’abatakaje ubuzima ariko abo baturanyi nta wundi bigeze bagaragaza yuko yabababaje uretse Kayumba Nyamwasa gusa. Ati ibi bigaragaza yuko Nyamwasa, akiri no mu mirimo ye ashobora kuba yarakoreraga Uganda kurusha uko yakoreraga u Rwanda !

Niba rero aribyo koko Kayumba Nyamwasa na Patrick Karegeya bagaragara muri Uganda kandi bivugwa yuko bafite ingabo bategura hakurya muri Congo zo kuba zatera u Rwanda, Kigali igomba kubigiraho ikibazo nk’icyo kivugwa yuko Kagame yasabye Amerika n’u Bwongereza kumubwirira Museveni kuva mubyo arimo bitari ibyo akamugerera mu kebo nk’ako ashaka ku mugereramo.

Muri cya gihe twavuze Kabarebe asimbura Nyamwasa na Kazini asimbura Odongo, Perezida Museveni yandikiye uwari minisitiri w’ububanyi n’amahanga w’Ubwongereza, Claire Short, amusaba yuko yamufasha kumvikanisha impamvu Uganda yashakaga kugura intwaro nyinshi z’imirwano: ngo n’uko Kampala yari ifite amakuru yuko u Rwanda rwari mu migambi yo gutera Uganda. U Rwanda ntabwo rwigeze rutera Uganda nk’uko n’ubu Uganda ishobora kuba nta migambi ifite yo gufasha ba Nyamwasa ngo batere u Rwanda bikabarwa rwikekwe gusa rw’abasank’abakeba !

Kayiranga William

mardi 15 mars 2011

Imitego ibiri Kayumba,karegeya bateze Kagame

Amakuru amaze igihe agarukwaho mu binyamakuru byo hanze no mu Rwanda,ni ihunga ,urubanza,n’imigambi ya Gen Kayumba na bagenzibe.
Nyuma yo guhunga igihugu cy’u Rwanda, Patrick Karegeya uba muri Afurika y’epho yatangarije ikinyamakuru The Observer cyo muri Uganda ko Abanyarwanda bakwiye kurwanya Leta ibayoboye’’Abanyarwanda nibo bonyine bakwiye guhaguruka bagaharanira uburenganzira bwabo, nanjye niteguye gufatanya nabo’’Karegeya.
Ibi bivuyeho Kayumba na bagenzi be basohoye icyo umuntu yakwita ibitekerezo byabo mu cyo bise Rwanda Briefing aho bagaragaje imitego bateze Kagame na Leta ye.
Imitego ibiri ikomeye
Umutego wa mbere bateze Kagame ni inzira yo kumwangisha abaturage, bateza umutekano muke mu gihugu,byavaho bakagaba ibitero bya gisirikare byaguye. Ibi ni nabyo byatumye tariki ya 3/08/2010 umuvugizi mukuru w’ingabo z’u Rwanda, Lt Col Jill Rutaremara,yaratangarije ikinyamakuru The New Times ko amagambo Karegeya avuga hirya no hino atari mahya,ibyo aherutse kuvuga asaba abantu gukora intambara byo bitagomba gufatwa nk’aho byoroshye.
Iyi ntambara aba bagabo bateganya cyane ko babyitangarije, ni kimwe mu mitego bateze Kagame bagamije kumukura ku butegetsi afite biciye mu matora.
Umutego wa Kabiri ni ukugumura abaturage hifashishijwe cyane Abahutu,aho babigaragarije muri iriya nyandiko yabo bise u Rwanda muri make’’Rwanda Briefing’’aho ku rupapuro rwa 14,bavuga ko abahutu bakandamijwe n’ubutegetsi bwa Kagame ‘’ni butisubiraho bazaburwanya kuko bazaba barambiwe ku tibona mubutegetsi ‘’
‘’.In one passage, which the court cited as a criminal attempt to stir communal hatred, they warned of another ethnic explosion in Rwanda. "The Tutsi minority cannot hope to impose their will on the Hutu majority forever," they warned. "The military victory of Hutu insurgency could, in turn, conceivably lead to the genocide of the remaining Tutsi population of Rwanda."
Ibi tubisanga mu kinyamakuru cyo mu bwongereza(guardian .co.uk,Thursday 27 January 2011),aho kivuga gishimangira ibi bitekerezo bya Kayumba ndetse kinongeraho ko Kagame aganisha u Rwanda habi aho iyi nkuru bayise’’ Kagame’s authoritarian turn risks Rwanda’s future’’.
Iyo ukurikiranye imisesengurire y’ibi binyamakuru mpuzamahanga usanga ari intambara y’itangazamakuru yatangiwe na Kayumba na bagenzi be,bikaza muri wamutego wo kubanza kwangisha isi n’abanyarwanda Kagame .
Uyu mutego wa Kabiri wo kwereka abaturage ko bagomba kurwanya Kagame,usanga ari intwaro yo gutuma abaturage bihereza imihanda bakamagana Kagame,bakamukura ku butegetsi.Ibi ntibatekereza ko byavanaho Kagame ngo bikunde, ahubwo ni uburyo bwo kubihuza n’urugamba bashoza,bagashegesha Kagame cyane ko bazi neza ko bitoroshye ku mirwano y’amasasu.
Muri iyi nyandiko ya Guardian,bagaragaza ko Kagame yigijeyo abobatavuga rumwe,bahera ku wari Perezida Pasteur Bizimungu,kuri Twagiramungu wabaye Ministiri wa mbere w’intebe,bavuga Sebarenzi wayoboye inteko shinga mategeko,bagaruka no kuri Rusesabagina wamamaye kubera Hotel Rwanda,nawe akaba yaragiye mu murongo w’abatavuga rumwe na Leta ya Kigali.
‘’ In Kagame's early years in power, he made enemies of many he might have turned into allies, including former president Pasteur Bizimungu, former prime minister Faustin Twagiramungu, former speaker of parliament Joseph Sebarenzi, and Paul Rusesabagina, the hotel manager whose story was the basis for the film Hotel Rwanda ‘’
Ibi byokuvuga ko ntabwisanzure buhari,abanyaporitike batihanganirwa, ni kimwe mu kwumvikanisha ko mu Rwanda hari ikibazo gikomeye cy’igitugu kiyoboye igihugu.
Kayumba na bagenzi be bakaba bari mu ntambara yo kwigarurira amashyirahamwe n’amashyaka akorera hanze ,cyane ku mugabane w’uburayi na Amerika,bakaba barahisemo ayo bita aya Abahutu bahejwe,nk’iryo baherutse kugirana amasezerano y’ubufatanye ry’uwari Ministiri w’ingabo Gen.Major Habyarimana, n’ishyaka rya FDU-Inkingi rya Ingabire Victoire ufungiye mu Rwanda.
Amakuru atugeraho ni uko Gahima na mwene nyina Rudasingwa bakomeje kugenderera impunzi aho ziri hose muri Amerika, babasobanurira igikorwa barimo cyo kuvanaho ingoma ya FPR, doreko bashinze ishyaka ryabo rya Rwanda National Congress (RNC) rigomba kuyisimbura (RPF)
Mwitende J.Claude