jeudi 2 septembre 2010

dimanche 4 juillet 2010

Twagiramungu yongeye guhangana na Kagame

-Noneho ngo arashishikariza abanyarwanda kutazitabira amatora

Umunyarwanda yabyaye umwana, asanga ntaho atandukaniye n’abandi bose, dore ko yari amaze kubyara ibirumbo byinshi maze amushakira akazina keza ati: “uyu mwana mwise Bosenibamwe”

Nannjye nti abanyapolitiki bo mu Rwanda bose ni bamwe.

Impamvu nta yindi ndashaka kuvuga ku mugabo witwa Twagiramungu Faustin, umaze kuba igikwerere muri politiki ariko bikaba bimaze kugaragara ko igenda imunanira uko iminsi igenda yicuma

Uyu mugabo yamenyekanye cyane ubwo yahanganaga n’ingoma ya Habyarimana ndetse akaba yararokotse ha Mana, nyuma ndetse aza kugirirwa icyizere n’ingoma ya Perezida Paul Kagame, agirwa Minisitiri w’intebe ariko biza kugaragara ko badahuje imyumvire afata iy’ubuhungiro.

Yaje kugaruka mu Rwanda aje kwiyamamariza umwanya w’umukuru w’igihugu mu mwaka w’2003, aza kugira amahirwe macye ntiyayatsinda (we avuga ko yibwe amajwi), aribwo yahisemo gusubira iyo yari akomotse mu buhungiro.

Nubwo yagaragaje ko atishimiye ibyavuye mu matora ya 2003, ariko abakurikiranira hafi bavuga ko nawe ari mu bashyikirije Perezida Kagame bari bahanganye muri ayo matora ubutumwa bw’ishimwe bw’uko yatsinze amatora ndetse amwifuriza kuyobora neza.

Ndetse iyo myitwarire itagayitse yerekanye ngo byaba byaramuhesheje amahirwe yo gusinyirwa na Leta y’u Rwanda impapuro zimufasha kubona akazi hanze y’igihugu.

Aza kwiyamamariza kuyobora u Rwanda mu mwaka wa 2003, ntiyigeze abwira abanyarwanda ko naramuka atsinzwe azafata iy’ubuhungiro, nk’uko abaje kwiyamamaza bose mu Rwanda babivuga, kuko nta numwe wemera ko yafatiwe ku kibuga cy’indege ahunze, cyangwa ko politiki imunaniye ngo yegure! Bose bashirira ndani.

Twagiramungu rero amaze guhunga bwa kabiri byahise bigaragarira abanyarwanda ko abanyapolitiki bashobora gushyira abaturage mu kaga hanyuma bakigurukira, kuko niwe munyaoilitiki wabashije guhabwa icyizere n’abantu benshi kurusha abandi kandi bemeza ko nta n’undi bizorohera muri ibi bihe.

Nyuma yo kwerekana imbaraga nke zo guhanganira mu gihugu, Twagiramungu ageze mu buhungiro, yakunze kumvikana ku maradiyo atandukanye anenga ubutegetsi buriho muri iki gihe mu Rwanda, abanyarwanda batandukanye bakomeje kuryana inzara bibaza impamvu yananiwe kuguma mu Rwanda aho yashoboraga kuvugira abaturage abihagazeho, agahitamo kujya hanze y’igihugu.

Aha abaturage bemeza ko harimo ubwoba no gushaka kuroha abanyarwanda mu kaga badafite shinge na rugero badashobora kurira indege ngo bahunge nkawe, kandi we yigaramiye n’abana be n’umugore we i Burayi.

Ngo kuba yarahunze ni ikimenyetso kigaragaza ko adashobora guhangana muri politiki, dore ko iyo umunyapolitiki mu bisanzwe yumva afite ukuri yaba ashobora no kwemera kukuzira.

Uyu mugabo rero aherutse gushyira itangazo ryamagana iyicwa ry’umunyamakuru Rugambage Jean Leonard warashwe agahita yitaba Imana, ibyo abantu barabishimye kuko umuntu arakomeye kandi ntakwiye kwicwa kuko ni ikiremwa cy’Imana

Ariko icyatangaje abantu ni uko ashinja Perezida Kagame kubigiramo uruhare mu itangazo rigenewe abanyamakuru yashyize ahagaragara avuga ko kuba Kagame mu kiganiro aheruka kugirana n’abanyamakuru avuga ko uwakoze amahano yo kwicwa umunyamakuru Rugambage agomba kumenyekana, Twagiramungu we avuga ko ari uguhuma amaso abaterankunga n’amahanga.

Ikigaragara cyo nta wakemeza ko Twagiramungu ari mu mutima wa Perezida Kagame ngo abe yamenya ibyo atekereza, aha na none bigaragaza politiki y’amagambo gusa ku bantu baba i Burayi mu gihe ibikorwa byananiranye.

Ibyo bigaragaza kandi politiki mu bushinjacyaha aribyo abanyarwanda benshi bamaze kurambirwa, kuko iyo umuntu mugiranye ikibazo ngo byanze bikunze ku banyapolitiki dufite baba bagomba kuguhimbira ibibi byose bigezweho muri icyo gihe

Iyi politiki yo kwandagazanya abanyarwanda ntabwo bakwiye kuyirebaho rwose kuko bigaragaza politiki ishingiye ku gushaka guseserezanya no gukurura inzangano, kandi bikagira ingaruka ku banyarwanda muri rusange.

Kuba Rugambage yarapfuye byo ni agahinda, ariko koko niba yarishwe n’akagambane k’abantu bamwe bari muri Leta, nta muntu wakemeza ko Kagame yari abizi, icyo umuntu atatindaho ni uko umuntu ashobora gupangirwa akicwa kubera impamvu z’akazi ke cyane nk’ibyabaye kuri Rugambage nubwo iperereza rikomeje.

Bamwe mu bavangira Perezida Kagame biha misiyo zo gukora ubugizio bwa nabi kugirango bashimwe kandi atariwe uba wabatumye. Urupfu rwa Rugambage si rwo rwonyine begeka kuri Kagame kuko hari n’abandi bantu benshi bagiye baburirwa irengero byose bikabarwa kuri Leta ya Kagame na FPR.

Mu itangazo ryashyizwe ahagaragara twavuze haruguru kandi rigaragaramo ko Twagiramungu asaba abanyarwanda kutazitabira amatora, kandi nawe arabizi ko bidashoboka, ahubwo yabivuze kugira ngo avuge gusa, kuko ntabwo akwiye kwibagirwa ko turi mu Rwanda, muri Afurika, kandi ku isi, nawe ngira ngo ari mu Rwanda yatora, cyakora ashobora gusabira Viza abantu bose kandi akababonera ubuhungiro byashoboka ariko kumva umunyarwanda uri mu Rwanda uramusaba kureka kwitabira amatora azaba, kandi wowe ukabisaba uri hanze yarwo iyo ni ikinamico, cyane ko ubwo yari ari ku butaka bw’u Rwanda yirinze kugira icyo avuga.

Twagiramungu akwiye kwibaza impamvu yahisemo guhunga nicyo yatinyaga maze akumva ko abantu bose bashobora kugitinya batagombye guhunga, kuko nta munezero ubamo, cyangwa akabaza ababikurikiranira hafi aho Me Ntaganda aherereye cyangwa akibaza urutegereje Victoire Ingabire wigemuye mu Rwanda, ataye akazi n’urubyaro rwe

Ntabwo abanyarwanda banga Twagiramungu mu busanzwe, ariko kandi nabo ubwabo ntibiyanga, politiki iyo igeze mu magambo gusa kandi igakorwa n’abamaze kuvanamo akabo karenge, kandi hari abarimo kuyizira mu gihugu, buri wese ufite ubwenge aba akwiye kureba igikwiye kuko ubuzima ni bwiza

Gusa ntitwabura kubabwira ko amahanga n’imiryango itandukanye bakomeje kubabazwa n’urupfu rw’umunyamakuru Rugambage J. Leonard ari nako basaba ko hakorwa iperereza risesuye kuri we mu gihe Twagiramungu nawe asaba ko hakorwa iperereza mpuzamahanga kandi ryigenga kuri Rugambage.

Ruzindana Obed

dimanche 27 juin 2010

Umuriro uratogota muri politiki

Impunzi z’abanyarwanda zari zarashinze umuryango wo kubarengera witwa RWAF. Intambara ya NRA itangiye, Obote yakajije umurego mu kwihimura ku baturage cyane cyane yibasiye abanyarawanda. Abayobozi ba Rwaf bari bazi ko aribo bagamijwe bwa mbere niko guhita bimurira umuryango wabo i Nairobi muri KENYA aho waje kuvamo umuryango RANU.


Mu by’ukuri wakomeje gukorera mu bwihisho, abantu bakorera mu mirenge mito ikora ukwayo, ahanini igikorwa ari icyo kugerageza kwagura umuryango no kuwushakira amaboko hirya no hino muri Afurika , i Burayi n’andi mahanga ya kure. Umuryango umaze gukura , Ranu yashyizeho imiyoboro n’imikorere, ishyiraho

kongere ya buri mwaka igizwe n’abakuru b’intara , abahagarariye imiryango y’abanyarwanda , abikorera ku giti cyabo na biro politiki iyobowe na komite y’abantu 26 byari biteganyijwe ko 50% bagomba kuba abahutu , nyuma hakazabaho n’ubuyobozi bw’ingabo Kubera ko abanyamuryango ba RANU benshi bari bakigendera

ku mitekerereze ya kera, ari abagatolika kandi batanarize, ntibashoboraga kumva neza umurongo w’abawushinze. Benshi bitiranyaga umurongo wa gisosiyaliste no guhakana Imana bakaba batarumvaga neza gahunda y’abashakaga impinduramatwara yari ishingiy ku bitekerezo bya Che Guevra na Mao Tse Tung

w’umushinwa ndetse n’abandi ba revolisiyoneri b’abanyafurika barebaga kure.

Mu rwego rwo kwagura umuryango, RANU yabanje kwiyegereza impunzi zize zari zaranyanyagiye mu

mahanga ,ishaka kugira ngo ikoreshe ubumenyi n’ubushobozi byabo mu kubaka umuryango . Ibi ariko byaje

kugaragara ko bitagera ku ntego , cyane cyane ko abo nyine bari bafite ibyo byose bari bamerewe neza iyo

bari bari bakaba batarashakaga gutakaza inyungu zabo. Iyo baza kwifatanya n’umuryango wari ukivuka muri Afurika n’ubwo biyumvaga ari bamwe kandi bashyigikiye umugambi wabo, babonaga bashobora gutakaza ibyo

bari barungukiye iyo za Burayi. Byabaye ngombwa ko Biro politiki ya RANU ihindura imikorere maze mu nama nkuru yayo yo mu 1985 ishyiraho ikipe yari iyobowe na Tito Rutaremara ngo ishakire ingufu mu mpunzi zisanzwe aho zari zinyanyagiye mu karere k’ibiyaga bigari. Rutaremara , umwe mu bayobozi bakuru akaba n’umwe mu mpunguke zashinze umuryango , yabanje kuba impunzi muri Uganda nk’abandi benshi. Yaje gushobora kujya kwiga mu Bufaransa mu 1970 ariko agerageje kongeza pasiporo ye kuri ambassade ya Uganda mu 1981 ngo agaruke , baramwangira aba aheze i Burayi mu gihe bagenzi be bakomezaga kubaka umuryango

adahari. Leta ya Uganda yari yanze ko agaruka kuko yari yaramaze kumenya ko ari umunyamuryango wa RANU akaba yarayirwanyaga. Ariko yakomeje gukorana nabo iyo yari ari, hanyuma aho NRM itangiriye urugamba rwayo aba umurwanashyaka wayo wo hanze mbere yo kugaruka muri Uganda aho yabaye ipfundo mu gutegura umurongo wa politiki wa RANU.

Rutaremara yibutse ingorane RANU yari ihanganye nazo hagati muri za 80 ati :“ Kugeza icyo gihe, wari umuryango w’ibisome , abana b’abanyarwanda bari barize baba mu mahanga . Twari dufite ikibazo cyo kurema umuryango w’abantu benshi ku buryo bose bagira uruhare mu gikorwa twari tugamije. Twagiye impaka nyinshi, twandika inyandiko zigaragaza kandi zisaba ibitekerezo k’uburyo ibyo byagerwaho, duteganya ingamba kugeza ubwo icyemezo cyo kohereza iyo kipe hirya no hino mu 1987“ Uburyo ibyo byakorwaga kwari ukohereza abasore n’inkumi b’abanyamuryango akenshi b’abanyeshuri mu nkambi z’impunzi aho RANU yari gushinga imizi. Mu gihe cy’amezi atanu kuva mu kwa kalindwi kugeza mu kwa cumi na kumwe , abo ba rwiyemeza

mirimo bagendereye impunzi Atari muri Uganda gusa, ahubwo no mu bindi bihugu byo mu karere ahari impunzi.Aho bagendaga hose bajyanaga ubutumwa bw’umuryango bawushakira abayoboke bashobora kuyobora abandi, ubwo ari nako basaba ibitekerezo by’izo mpunzi , kugira ngo bahuze ibitekerezo n’umugambi maze bashyigikire babyishakiye gahunda ya politiki y’umuryango.

Impunzi zagaragazaga ibitekerezo byazo, ibyifuzo n’uko zibona ibintu muri rusange , byose bigakusanyirizwa hamwe, hanyuma ubuyobozi bw’umuryango bukabyigaho mu gutegura gahunda, intego n’imikorere bigomba

gukurikira. Rutaremara ni umwe mu bakusanyije ibyo bitekerezo byashikirijwe inteko rusange ya RANU mu kwa cumi na biri uwo mwaka ari nayo yemeje ingingo ngenderwaho n’amategeko ngenga y’imikorere y’umuryango. Icyavuye muri urwo rugero rudasanzwe muri Afurika rwa demokarasi itaziguye mu baturage

bari mu nkambi z’impunzi ni gahunda inoze kandi igamije ibintu bike by’ingenzi ariko byari mu

murongo ureba kure wo kubaka ubumwe bw’igihugu , gufatanya kw’abaturage na leta ifite umuco mwiza wa disipline . Ipfundo ry’intego ya RANU rigaragara mu ngingo umunani zemejwe n’inteko nkuru yo mu 1987 zari zigamije kuzagera kuri ibi bikurikira : Ubumwe bw’igihugu, Demokarasi , Ubukungu bwigenga , Guca umuco

wo kunyereza no kwangiza ibya rubanda,kuzamura imibereho y’abaturage , kureshyeshya abantu mu nzego z’umutekano , ububanyi n’amahanga bufitiye igihugu akamaro hamwe no kurangiza burundu ikibazo y’ubuhunzi mu Rwanda.

Inyinshi muri izo ngingo ntizari zanditse mu buryo burambuye, cyane ko intego ya vuba y’ingenzi ya RANU kwari ukubungabunga ubumwe no gushyirahamwe by’abanyamuryango . Gushimangira imiterere y’umunyamuryango ko utari uwa “politiki“ abayobozi ba RANU bahoraga bibutsa ko bose bari bahuje intego nk’abanyarwanda hatitaweho umurongo wa politiki wa buri umwe, kuba ashaka ubwami, cyangwa ikindi cyose

cyari kubatandukanya. Gukangura abaturage no kwinjira mu myanya ya gisirikari aho bari bari nibyo byari

bigamijwe bya mbere. Mu by’ukuri kuva muri 1983 kugeza ingoma ya Obote ihirima mu 1986, mu magambo make umuntu yavuga ko intego ya RANU yari iyo kwinjiza abantu bayo bashoboka mu gisirikari cya NRA.

Mu nteko rusange yo mu 1987 ubwo RANU yashyiragaho uburyo bw’imikorere hanagenwe amategeko agenga imyitwarire y’abanyamuryango , yagaragazaga uburyo bw’iyubashye bugomba kuranga imyifatire ya buri munyamuryango.

Ni muri iyo nteko rusange kandi RANU yahinduye izina kugira ngo igaragaze neza imiterere n’imigambi y’umuryango : guhera ubwo kugeza n’ubu wiswe FPR/RPF-INKOTANYI ari byo bivuga “Umutwe Nyarwanda Ukunda Igihugu “. Museveni amaze gushinga imizi i Kampala , RPF igarura icyicaro cyayo muri Uganda, mu mwaka ukurikiye ho nibwo yitoreye Fred Rwigema kuyibera umuyobozi mukuru. Guhitamo Rwigema byarikoze kubera amateka ye y’uburambe mu ntambara zo kwibohoza mu bihugu bitandukanye, yari umuntu ugira ibakwe ,abantu bishyikiraho kandi ukundwa na bose.

Yari umuntu wubahwa kandi ukundwa na bagenzi be b’abanyapolitiki akongera agakundwa n’abantu basanzwe cyane abasirikari bato yari yarayoboye ku rugamba. Kubera ko abayobozi benshi ba RPF bari bakomotse muri NRA, umuntu ntiyabura kwibaza niba ibitekerezo n’imikorere yayo atari ho babikomoye. Tito Rutaremara ati :“ Birumvikana ibyinshi bisa cyane ko mu bashinze NRA bari barimo ku buryo byari nyine n’ibya RPF. Ariko hari n’itandukaniro ritari rito, cyane cyane ku bijyanye no gukangurira abanyamuryango bayo ibya politiki n’abaturage muri rusange . RPF na SANDITSA yo muri Nicaragua ni yo miryango yonyine yatangiriye ku gukangurira abanyamuryango bayo ibya politiki bagakurikizaho intambara. NRA n’izindi nyeshyamba zo mu bihe bya vuba zagiye zitangira zirwana hanyuma zikagenda zitomora imigambi yazo ya politiki uko

intambara igenda ikura, ibyo bikaba bitandukanye n’uko RPF yabikoze.“

Ndlr : Aya mateka twayakuye mu gitabo kitwa“Kagame and Rwanda “ cyanditswe na Collin M.Waugh.

“Ntituzajya mu matora dukina” Dr NTAWUKURIRYAYO

Ku itariki ya 22 Gicurasi 2010, Ishyaka riharanira Demokarasi n’Imibereho myiza y’Abaturage ryakoze congres maze ryemeza ko Dr Jean Damascene NTAWUKURIRYAYO usanzwe ari umunyamabanga mukuru waryo, aba umukandida waryo ku mwanya wa Nyakubahwa Perezida wa Repubulika y’u Rwanda mu matora ateganyijwe ku ya 09/08/2010.
Dr Ntawukuriryayo akaba kugeza ubu ari Vice Perezida w’Inteko Ishinga Amategeko y’u Rwanda, uyu mwanya nawo akaba yarawegukanye nyuma yo gutangwaho umukandida w’ishyaka rye mu matora aheruka y’abadepite. Ibi bikagaragaza mu by’ukuri icyizere uyu mugabo afitiwe mu ishyaka rye kubera umurava, ubwitange, ubuhanga n’ubunyangamugayo byaranze amateka ye.

Mbere y’uko atsindira umwanya wa Visi-Perezida mu Nteko ishinga amategeko yari asanzwe ari Minisitiri w’Ubuzima uwo mwanya nawo akaba yari awumazeho imyaka itari mike. Muri iyi Minisiteri yagaragaje ko ari umuhanga mu by’ubuzima kandi ubwo buhanga bukajyana n’ibikorwa, aha akaba azahora yibukirwa kuri gahunda y’ubwisungane mu buvuzi “Mutuelle de Sante” yasize yubatse ubu Abanyarwanda hafi yabose bakaba bemeza ko ibafitiye akamaro gakomeye.
Amaze kujyirirwa icyizere cyo kuziyamamariza kuyobora u Rwanda rero Ikinyamakuru RUGARI cyaramwegereye kugirango agire ibyo atangariza abanyarwanda yifuza kuyobora.
Twifuje kumenya nimba yari yiteguye gutorwa na congres, n’uko yabyakiriye maze asubiza muri aya magambo: nabyakiriye neza nshimira abarwanashyaka bari bagize congres ya kane y’ishyaka ryacu, icyizere bampaye ndetse nshimira n’Abanyarwanda icyizere tumaze kwiyubakamo, kuba tugeze kuri iyi ntera yo guhatanira umwanya w’ikirenga wo kuyobora Igihugu cyacu akaba aricyo cyanshimishije. Ku byitegura ntabwo ari umwihariko kuko, ndi mu bayobozi b’Ishyaka P.S.D kuva ryatangira mu w’1991 narikoreye nk’umurwanashyaka kandi ndikorera ndi umwe mu bagize komite nyobozi, muri iyi manda irangiye ni nabo bongeye kungirira icyizere cyo kuyobora indi myaka itanu. Numva rero uko Biro Politiki yabihisemo ikanabishyikiriza congres y’igihugu, iyi ikaba ibyemeje ari icyizere gikomeye umuntu aba agiriwe. Nkaba numva ikiba gisigaye ari ugushyira mu bikorwa icyo cyizere haba ku bayoboke ba P.S.D bari muri iyi congres, abandi bari mu gihugu n’abanyarwanda bose.

Twamubajije kandi icyo yavuga ku myumvire yabamwe y’uko candidature ye yaba ari nko guherekeza umukandida w’ishyaka riri ku butegetsi.
Dr NTAWUKURIRYAYO Jean Damascene ati: ishayaka P.S.D ni Ishyaka ryagiyeho ku gihe; hariho kurwanya ubutegetsi bw’igitugu bwa M.R.N.D n’abariyoboraga riharanira ko abana b’u Rwanda baheze ishyanga batahuka, ko Abanyarwanda bose baba umwe, kandi ko Abanyarwanda bagomba gukora kugirango batere imbere.

Hakaba mbere ya Jenoside yakorewe Abatusti icyo twe duharanira nk’ishyaka, ni ubutabera, ubwisungane n’Amajyambere y’Abanyarwanda. Mu nzego zose twajyiye tujyamo, haba muri Guverinoma, mu Nteko Ishinga Amategeko no mu nzego zisanzwe z’Ubuyobozi bw’Igihugu, Umuyoboke wa P.S.D watoranyijwe mu mwanya nk’uwo nicyo aharanira. Mu bitecyerezo bizwi byandikwa, binatuma n’ubwo mu mwaka w’2003 twarashyigikiye Nyakubahwa Perezida wa Repubulika Paul Kagame kandi ku mpamvu zumvikana z’Ubushobozi afite, aho Igihugu cyari kivuye, aho Ishyaka ryacu ryari rigeze ryiyubaka, ariko turi ishyaka ryambere ryahisemo kujya mu matora kuri liste yacu.
Abavuga ibyo rero, nibaza aho babikura kuko icyo gihe ntitwaherekeje nkuko babivuga. Mu ishyaka rero dufite ibyo dutanga mu kubaka u Rwanda kandi ku buryo twisanzuye mu bwigenge bwuzuye, kandi bigakorwa mu nzego zose z’ishyaka.
Ntabwo ari umuntu uwo ariwe wese rero udufatira icyemezo. Mu mwaka w’2008 no mu matora y’Abadepite niko byagenze kandi byaragaragaye yuko inzego zacu zifata ibyemezo kandi bigakorwa neza. N’ubu rero congres y’Igihugu ya kane ari nayo iyobora ishyaka mu gufata ibyemezo bikuru nkuko n’andi mashyaka abigenza, batanze manda ku mukandida uzajya kwiyamamaza mu matora ya Perezida wa Repubulika.
Izamuha Programme ijyanye n’umurongo wa P.S.D iyo programme niyo izabwirwa Abanyarwanda, kandi ikaba ari programme idaca kuruhande umurongo tugenderaho. Kubaka Igihugu, Gukunda Igihugu n’Abanyarwanda, guharanira buri gihe ubumwe n’ubwiyunge bw’Abanyarwanda, guharanira ko Ingengabitecyerezo ya Jenoside icika muri uru Rwanda kuko, Jenoside yakorewe Abatutsi tuzi ingaruka yajyize ku gihugu cyacu n’abantu bacu yatwaye.
Iyo tubivuga rero hariho abantu babikinisha kuko, dufite inkingi zituma ibyo byose tubijyeraho, kandi twese dufatanyije nk’Abanyarwanda. Ntabwo rero tujyiye mu matora tujyiye gukina kuko, twiyamamaza nk’uko nabivuze tubikoze kabiri, nako ni gatatu kuko twamamaje Nyakubahwa Perezida wa Repubulika, tukamamaza liste yacu y’Abadepite mu w’2003 no mu w’2008. Ni igikorwa rero gisaba imyiteguro, gisaba ubuhanga, ubwitonzi ndetse n’amafaranga. Ntabwo rero twajya gutanga amafaranga tujyiye gukina, icyo tuvuga gusa ni uko twumva turi Ishyaka ryagize uruhare mu guharanira no gushimangira demokarasi mu Rwanda, no ku rwubaka.
Ntabwo rero twazabona ibisobanuro twazaha abayoboke bacu mu gihe twaramuka tutajyiye mu matora yo mu mwaka wa 2010 ya Perezida wa Repubulika kuko, andi matora azongera kuba mu w’2017. Ntabwo rero nibwira y’uko abantu bakwiye kubifata gutyo kuko dufite inzego tunyuzamo ibyemezo, kandi tuzabizirikana muri campagne tuzakora iciye mu mucyo yerekana programme twifuza kuba twakurikira. Ntabwo rero ari imikino kuko twumva ari programe tuzakurikira muri demokarasi isesuye kandi ijyanye na constitution y’Igihugu cyacu twitoreye nanone.

Ku kibazo kijyanye n’imigambi nyamukuru afitiye Abanyarwanda muri rusange, n’abayoboke ba P.S.D by’umwihariko aramutse atowe; Dr NTAWUKURIRYAYO yagize ati: byatera ikibazo ntangiye kuvuga manifeste programme nzajyana muri campagne y’amatora, igihe kitaragera. Ariko ibyo ari byo byose nkuko nanabivuze mu ijambo nahawe maze gutorerwa kuba umukandida wa P.S.D, hari ibintu byangombwa umuntu wese ushaka kuba umukuru w’Igihugu agomba kwitaho, ariko binashingiye kuri PSD kuko ubu ndavuga nku mu PSD.
Iyo uri umudemocrate ukunda Igihugu; ugakunda n’Abanyagihugu bajyituye gahunda zose ukora zijyanye n’imibereho yabo kandi zishingiye ku kwemera kwa PSD, ubikora ubijyana muri uwo murongo. Iyo ukunda igihugu n’abaturage bacyo ugomba kubateza imbere, muri gahunda zitandukanye tuzererekana igihe cya campagne kigeze.

Ukabarinda ukabaha n’umutekano usesuye, kandi dukurikije amateka y’igihugu cyacu, njye ntorewe kuba Perezida w’Igihugu cy’u Rwanda, tuvugishe ukuri gahunda y’ubumwe n’ubwiyunge bw’Abanyarwanda kubyabaye, ababigizemo uruhare bakabisabira imbabazi cyangwa bakabihanirwa numva ari gahunda izahoraho kugirango abana bacu mu gihe kiri imbere bazabeho neza.
Ariko ku kijyanye na gahunda irambuye, bizahera ku ntego y’Ishyaka PSD aribyo Ubutabera kuri buri wese ariko bijyanye na Equitte. Ubutabera bureba Abanyarwanda bose bahujwe n’ubwo bunyarwanda.
Harimo gahunda nyinshi rero umuntu yasyira ku murongo. Icya kabiri rero tuvuga ubwisungane kuko biri mu ntego zacu, ariko ntabwo ari ubwisungane bushingiye mu kwivuza gusa. Abishyize hamwe bakemura ibibazo byinshi biganisha ku majyambere kuko baba bakoze kandi ibyo bakoze bigatanga umusaruro ku buryo bunoze.
Iyo rero niyo mirongo migari ariko ifite n’ibindi tuzashingiraho bikubiye muri manifeste y’Ishyaka ryacu, dusaba Abanyarwanda ko badutora.

Ikiganiro twagiranye na Dr NTAWUKURIRYAYO Jean Damascene cyasojwe n’ubutumwa bureba Abanyarwanda agira ati: ndasaba Abanyarwanda ko twese twakomeza icyizere twiyubatsemo , tukumva ntawe ugomba kutubuza gahunda nziza igihugu kirimo, bivuga ko nagahunda y’amatora tujyiye kujyamo turimo gutegura, Abanyarwanda bagomba kuyitegurana umutima uri hamwe, bakazatora mu bwitonzi, bakiyama uwo ari we wese wajyerageza kutuzanamo ibindi bibazo byatuma gahunda nziza dushaka kujyeraho, duhabwa n’itegeko Nshinga twitoreye zidashobora kubaho. Hanyuma kandi Abanyarwanda bose bafite imyaka yo gutora nkabasaba ko bajya kwikosoza ku malisite y’itora bareba ko banditse neza kandi tukazitabira uwo murimo dusabwa kandi duhamwa n’Itegeko Nshinga nk’abademocrate kujyirango dushobore gukomeza kwiyubakira u Rwanda kandi twese nk’Abanyarwanda dushyize hamwe.

Ndlr turashimira rero Dr NTAWUKURIRYAYO Jean Damscene kuri iki kiganiro yaduhaye kandi tumwifurije Itsinzi.

Ubwanditsi

Uwarashe Gen.Kayumba Nyamwasa yaramenyekanye

Nyuma y’iraswa rya Gen. Kayumba Nyamwasa, inkuru yagize uburemere ku buryo abantu batari babyiteze kugera kuri urwo rwego, abakoze umushinga wo kumwica warabapfubanye, biba ikibazo gikomeye kuko byabereye mu gihugu cya Afurika y’Epfo aho isi yose iteraniye irebera umupira w’igikombe cy’isi uhabera.

Bimwe mu binyamakuru byo ku isi byari byitabiriye iyo mikino ibera muri icyo gihugu ntibyabigoye gukurikiranira hafi amakuru arambuye kuri Nyamwasa wahoze ari umugaba w’ingabo z’u Rwanda.

Bimwe mu binyamakuru byanditse kuri iyo nkuru twashoboye gusoma, bigaragaza ko gushaka guhitana Kayumba bifitanye isano n’ibibazo afitanye n’u Rwanda n’ubwo ngo Leta y’u Rwanda ibihakana yivuye inyuma, cyakora uko ibyo binyamakuru byandika ni nako amakomanteri (comments) akomeje kuba menshi ku mbuga zitandukanye bihanganisha Nyamwasa n’umuryango we (reba igihe.com).

Ikinyamakuru cyandikirwa kuri Internet « World News Journey » ku wa 22 Kamena 2010 cyanditse inkuru ifite umutwe uvuga ngo : “Rwandan General Kazura alledly implicated in assassination attempt on fugitive Nyamwasa in South Africa” ugenekereje mu kinyarwanda bishaka kuvuga ngo: Gen. Kazura biravugwa ko yari mu mugambi wo gushaka guhitana Kayumba Nyamwasa »

Umunyamakuru ukorera Afro-American Network uzwi ku izina rya David O’brian niwe wanditse iyo nkuru muri World News Journey, mu nteruro ze zibanza yavuze ko ayo makuru ayakesha inzego zo mu Rwanda no muri Afurika y’Epfo, avuga ko abantu bakekwaho gushaka guhitana Nyamwasa batangiye kumena amabanga ngo kandi ngo harimo abahoze ari abasirikari ba RDF.

Akomeza avuga ko amakuru afite, avuga ko Gen. Kazura yoherejwe muri misiyo ngo ategure ubwicanyi bwashakaga guhitana Nyamwasa mu gihe polisi y’igihugu y’Afurika y’Epfo yari irangariye mu mikino y’igikombe cy’isi irimo ihabera.

Iyo nyandiko ya David O’brian ikomeza ivuga ko Gen. Kazura amaze gushyiraho ikipe itegura uko ako kazi kazakorwa ngo yahise agaruka igitaraganya maze iyo kipe ayisigira umuyobozi ariwe Lt Col.Gakwerere Francis wasezerewe mu ngabo za RDF, ubu uri mu maboko ya polisi ya Afurika y’epfo

Ngo cyakora Gen. Kazura yahise atabwa muri yombi akigera mu Rwanda ngo bikaba byarakozwe na DMI yo mu Rwanda kugira ngo batere urujijo mu bantu bashobora gukora iperereza umugambi wamaze gushyirwa mu bikorwa kandi bifashe Leta y’u Rwanda guhakana uruhare muri ibyo bintu.

Uyu munyamakuru avuga ko ubusanzwe FPR isanzwe ikora ibintu mu ibanga ariko gufungwa kwa Kazura ngo bahise babimenyekanisha cyane ngo ibyo bikaba byari bigamije gutera urujijo mu bantu.

Gusa uyu munyamakuru arangiza inkuru ye avuga ko ayo makuru aramutse abaye impamo Leta y’u Rwanda n’iy’Afurika y’Epfo bizagira ibibazo mu mubano wabyo (serious diplomatic row).

Ikinyamakuru cyo muri Afurika y’Epfo cyitwa NewsTime nacyo cyanditse ku iraswa rya Kayumba ku wa 20 Kamena 2010, cyanditse inkuru ifite umutwe ubaza ngo : « Kagame Dealing in death or miracles ? » nayo ugenekereje n’ubwo bitoroshye wavuga ngo Kagame umukozi mu rupfu cyangwa ibitangaza ?

Iyo nkuru itangira ivuga ngo mu mwaka w’2009 icyegeranyo cya CNN cyagaragaje ko u Rwanda aricyo gihugu cyo ku mugabane wa Afurika cya mbere giteye imbere nyuma ya Jenoside cyabashije kugarura umutekano, kwinjira mu miryango mpuzamahanga, ngo byose bikaba bigerwaho kubera Perezida Kagame wagiyeho nyuma y’ihirikwa rya Bizimungu wari Perezida kuva mu mwaka w’1994 kugera mu w’2000, ngo uwo Bizimungu wariho mu rwego rwo guhumuriza rubanda nyamwinshi (Majority of the population)

Ngo Bizimungu atangiye kubaza ibibazo byinshi mu bijyanye no gukandamiza muri politiki yigijweyo aranafungwa, icyo kinyamakuru muri iyo nkuru gikomeza kivuga ngo birasa naho ariko byagendekeye benshi batavuga rumwe na Perezida Kagame uriho ubu mu Rwanda

Ngo ibyabaye Johannesburg ku wa gatandatu aho umudamu wa Gen. Nyamwasa yemeza ko bashakaga kumwicira umugabo, ndetse akavuga ko Perezida Kagame yavuze amagambo menshi asebya Nyamwasa n’uwahoze ari umukuru w’inzego z’ubutasi Karegeya.

Abo bagabo bombi bahoze ari inkoramutima za Perezida Kagame nk’uko icyo kinyamakuru kibivuga nabo bavuze ko bashenye ubunyangamugayo bwe bavuga ko akoresha amasosiyete yanditse ku bandi bantu kugira ngo yigwizeho umutungo (front companies to enrich himself)

Iyi nkuru ya Newstime igaruka cyane ku mateka u Rwanda rwanyuzemo inavuga ko ari amayobera kuko abantu baba imbogamizi mu migambi ya Kagame harimo nka Bizimungu, Nyamwasa na Habyarimana ibintu bibi bibabaho

Iyo nkuru kandi ikomeza igaragaza uburyo ubukungu bw’u Rwanda butera imbere cyane ngo kuko ku va mu mwaka w’1994 kugera mu 1997 ubukungu bw’u Rwanda bwiyongereyeho 97% ngo no mu myaka iza bugenda buzamuka. ngo muri rusange u Rwanda rwakoze ibitangaza mu bijyanye n’ubukungu no guhindura amatwara, ngo ariko ikibazo umuntu yakwibaza ku gihugu nyuma y’ibinyejana byinshi bifite urwango rushingiye ku moko bikagera ku iyicwa ry’abantu bagera kuri miliyoni, ngo nonese byashoboka ko icyo gihugu cyakomeza n’uwo mutekano kugira ngo ibyo bitangaza bikomeze ?

Bamwe ngo bavuga ko igitugu cya Kagame aricyo fatizo rituma igihugu gikomeza kuba mu bumwe, ngo aramutse avuyeho abantu bakisubiranamo, ariko abandi ngo bavuga ko ariwe kibazo ngo kuko umuntu agerageza kumujya imbere ahita amuvanaho, ngo nyamara Bizimungu, Nyamwasa, Habyarimana n’abandi bashobora kugira icyo babivugaho.

Ngo icyo umuntu atahakana n’uko u Rwanda gusubira guhungabana bishobora kubera ikibazo n’ibindi bihugu bihana imbibi narwo kubera ibibazo bituruka i Kigali. Ngo ariko ubundi nyuma y’imyaka 10 Kagame avuye ku butegetsi nibwo bizaba bikwiriye kugira ngo umuntu arebe niba yari Perezida wakoze ibitangaza byiza cyangwa imbarutso y’ubwicanyi

Martin Plaut nawe ni umunyamakuru wa BBC wakoze isesengura ku Rwanda, yakoze inkuru ifite umutwe uvuga ngo : « Gucikamo ibice mu nzego za gisirikari z’u Rwanda » iyo nkuru itangira ivuga ngo Kagame wemerwa cyane n’amahanga, ngo yemera abatavuga rumwe nawe gake cyane.

Iyo nkuru isesengura amateka ya Perezida Kagame mu gisirikari n’uburyo we na FPR bahagaritse Jenoside ngo nyuma y’imyaka 16 mu gihugu baritegura amatora ariko ngo hari inzira ntoya ya politiki yisanzuye

Uyu munyamakuru wa BBC agaruka ku bibazo abantu nka Victoire Ingabire bahuye nabyo, ariko akavuga ko ibikomeye cyane bisa nk’aho biri mu gisirikari cyahoze kizwiho gushyira hamwe cyane kandi kigizwe na benshi bagize uruhare mu guhagarika Jenoside.

Nawe agaruka kuri Nyamwasa na Karegeya uburyo bahunze kandi bakaba banenga Perezida Kagame, bavuga ko atari inyangamugayo uretse ko nk’uko twabivuze Leta y’u Rwanda ibihakana, byimazeyo ariko icyo kinyamakuru kikaba kivuga ko Nyamwasa yatangaje ko akimara kugera mu buhungiro yatangiye gutukwa na Kagame amwita amazina atandukanye (twabigarutse mu numero zabanjirije iyi)

Ngo si abo bajenerali gusa bafite ibibazo ngo kuko hari n’abafungiye mu ngo zayo aribo Gen Kazura, Gen. Muhire na Gen. Karake bazira ruswa ubugande n’ibindi ariko Mushikiwabo Minisitiri w’ububanyi n’amahanga yemeza ko ifungwa ry’abo ntaho rihuriye na politiki ko nta n’igitangaza kirimo kuko ari inshingano zo kubaza abantu Accountability.

Muri iyo nkuru umunyamakuru asoza yibaza niba iryo cikamo ibice ry’igisirikari rigeze he cyangwa ringana iki ? ngo we abona bigoye kuvuga kuri ki gihe niba hari imvururu bizazana, ngo kuko urebye amateka mabi y’igihugu n’uruhari rw’igisirikari muri politiki, ngo ibyo bintu ntawabyirengagiza.

Birungi Kessia


lundi 24 mai 2010

Agahuru k’ishyamba karahiye, izindi maneko mu buhungiro!

Ihunga rya bamwe mu banyamakuru bigenga mu Rwanda ntirivugwaho rumwe n’abayobozi mu gihugu cy’u Rwanda, Umunyamabanga Nshingwabikorwa w’Inama Nkuru y’Itangazamakuru Murama Patrice we yabakubise amashoti, abagaraguza agati, imbere y’umunyamakuru mugenzi wabo ukorera BBC, arangije arabitarutsa. Mu kiganiro cyahise kuri Radio BBC y’Abongereza ku wa gatandatu tariki ya 22 Gicurasi 2010, Murama yumvikanishije impamvu zateye abanyamakuru bamwe na bamwe guhunga, yemeza ko bose bahunze ubusa yatanze ingero biratinda bigera n’aho asoma inyandiko zabo mu ruhame. Aha Mulama yatangiriye kuri Lucie Umukundwa wahoze akorera Radio Ijwi ry’Amerika mu Rwanda, guhunga yitwaje umuryango Mpuzamahanga GTZ yari yagiye mu gihugu cya Uganda agiye gukoramo akazi agahita afatiraho imigambi yo guhunga igihugu. Muri icyo kiganiro Lucie Umukundwa yakomeje guterana amagambo cyane na Murama Patrice ahakana ko atigeze na rimwe akorera umuryango Gtz ko we yahunze aciye mu gihugu cya Kongo agakomeza akanyura Bunagana ko ahari arinayo mpamvu itera Murama kuvuga ko Lucie yahunze aciye mu gihugu cya Uganda. Aho Murama akomeza avuga ko abanyamakuru bahunga kubera imibereho mibi, bakagenda bagiye gushakisha ubuzima, Lucie yasubije Murama ko atigeze amererwa nabi mu Rwanda ko yari afite akazi keza kamuhemba amafarnga ashimishije ndetse ko yanamurushaga umushahara . yagize ati: “Murama akwiye kumenya ko habayeho guhunga kubera imibereho mibi ariwe wahunga mu b’imbere kuko atandushaga gukorera amafaranga menshi”. Alli Yusufu Mugenzi abajije Lucie uburyo yamenye umushahara wa Murama yasubije ko akiri mu Rwanda yari ahagarariye amwe mu mashyirahamwe y’abanyamakuru mu Rwanda ibyo ngo bigatuma abasha kumenya imishahara y’abanyamakuru batandukanye baba abakorera ibitangazamakuru bya Leta baba ndetse n’abakorera ibitangazamakuru byigenga. Lucie yasobanuye ko yahunze kubera impamvu zo kubura umutekano we aho yambuwe ikiganiro yagiranye na pasiteur Bizimungu bikageza n’ubwo batega musaza we bakamukubita hafi no kumwica bamuziza Lucie Umukundwa, abonye ko umuryango we ushobora kuzaharenganira yahisemo kwerekeza iy’ubuhungiro nyuma yo kurangiza kwiga mu gihugu cy’u bufaransa ngo yari yoherejwemo na CPG yahise ko asaba ubuhungiro Mu gihe yagombaga kugaruka mu Rwanda bahise bahohotera umunyamakuru mugenzi we Jean Bosco Gasasira, ubwo bamutemaguraga mu mutwe hafi no kumwica, Lucie abona ko nta mutekano abanyamakuru bo mu Rwanda bafite ahitamo gufata icyemezo cyo guhunga. Ubu Lucie ni impunzi ibarizwa mu gihug cy’ubufaransa aho ari kumwe n’abana be babiri; umuhungu n’umukobwa, ngo akomeje gukora umwuga w’itangazamakuru. Uwahoze ari umyobozi wungirije w’ikinyamakuru Umuseso Furaha Mugisha nawe Mulama yashyize hanze ibye, aramushinja karahava, ngo bamwirukanye mu gihugu kubera ko yari umutanzaniya kandi yari anafite Passeport yanditsemo amazina atanditse mu ikarita ndangamuntu yafatiye mu gihugu cy’u Rwanda dore ko ngo yari yarakinjiyemo mu kwezi kwa munani, umwaka w’1994, cyakora we yemeza ari umunyarwanda kandi bakaba baramujijije akazi ken go kuko bamuzindukiye mu cya kare bamusaka batera inzu hejuru, bigera n’aho bamwima uburenganzira bwo kuburana ngo ibye bisobanuke neza, cyakora ngo yaba yarabonye ubuhungiro muri Amerika. Furaha akaba yaraje mu Rwanda ari wenyine umuryango we awusize mu gihugu cya Tanzaniya, Murama asobanura ko yasubijwe mu gihugu avukamo kuko yari atangiye gutera imidugararo mu gihugu atavukamo akoresheje inyandiko zisebanya mu kinyamakuru Umuseso. Naho uwahoze ari umyobozi Mukuru w’ikinyamakuru Umuseso Charles Kabonero uvuga ko yahunze, Murama yaramuvuguruje yifashishije inyandiko we ubwe yiyandikiye mu kinyamakuru Umuseso anyomoza ibyamuvugwagaho ko yahunze kandi bamubeshyera, akavuga ko yagiye kwiga kandi yakomeje no kwandika mu kinyamakuru abicishije kuri internet. Nubwo byakomeje kuvugwa cyane na bamwe mu banyamakuru bakoreramu Rwanda ahobemeza ko Kabonero yahunze kubera ko yari afite ibibazo mu Rwanda, we avuga ko ari ikinyoma cyambaye ubusa, cyakora yemereye BBC ko nibikomeza gutyo atazagaruka mu Rwanda ngo nubwo kugeza ubu nta gihugu na kimwe arasaba ubuhungiro, muri make yagaragaje ko atarafata icyemezo cyo guhunga cyangwa se cyo kugaruka mu rwa Gasabo. Murama we nntiyacitse integer, ahubwo yarakomeje ageze k’uwitwa Gasana Didace, umwanditsi Mukuru w’ikinyamakuru Umuseso, yabanje kumubaza icyamugaruye mu Rwanda kandi yari yarahunze avuga ko nta mutekano uhari? Yamubajije ibirego yaregaga u Rwanda nyuma yagaruka akandika ntawe umwirukaho yarangiza agatinyuka kuvuga ko mu Rwanda nta bwisanzure buhari ? Gasana yasobanuye ko umuntu ashobora guhunga nyuma yabona habayeho agahenge akaba yagaruka, bityo akaba avuga ko abantu bose bazi ibibazo aantu bahura nabyo ku banyamakuru, baashyirwa mu manza zitandukanye n’ibindi bigamije kubabuza umutekano n’ubwisanzure Gasana avuga ko ushobora kugirirwa nabi n’abantu bikakugora kumenya uwabatumye, bityo bikaba byatera umuntu kugira amacyenga agafata iy’ubuhungiro kugira ngo arebe aho ibintu bigana Alli Yusufu Mugenzi yasoreje kuri Jean Bosco Gasasira wahoze ayobora ikinyamakuru Umuvugizi akaza guhunga igihugu, Murama yavuze ko Gasasira yahunze urubanza yari afite mu rukiko, Gasasira nawe akavuga ko yahunze kubera kubura umutekano kandi ko n’itangazamakuru rihohoterwa n’inzego zakagombye kurirenganura. Yavuze ko mu nama Nkuru y’itangazamakuru, itangazamakuru ryigenga ridahagarariwe na gato, kuko ngo abashyirwa mu myanya bose ari abayoboke ba FPR Inkotanyi, ibyo akabyemeza anabishimangira ngo kuko nawe ataraba umunyamakuru yari maneko (cadre) ngo yagiraga uruhare mu kubashyira muri iyo myanya. Kuba batangiye gusubiranamo bose baraturutse hamwe, bagera mu Rwanda bagakora akazi kamwe, ni ibyerekana ko ukora itangazamakuru atarazanye nabo cyangwa ngo akorane nabo amenye amabanga yabo yaharenganiye akabura uwo atura agahinda, akumumiriza. Nyuma ya Col. Karegeya wari Maneko Mukuru mu gihugu, Gasasira nawe arigaragaje nka maneko wakoranye n’Ishyaka riri ku butegetsi FPR Inkotanyi nk’uko yabyivugiye ubwe n’amatama abiri kuri Radio BBC. Abakoze ako kazi ntibahunga ahubwo baba bagiye kugakomereza ahandi, abari mu bihugu barimo bararye bari menge kuko u Rwanda rwo rwarangije kubamemnya rubigizayo ngo batazamena amabanga bari mu gihugu imbere maze bakagira ibyo bangiza, dore ko batangiye kuvuga ibikomeye abantu batari bazi. Guhunga si igisebo ariko si n’ubutwari, u Rwanda rukwiye kuba igihugu cy’intwarane kuko intwari zo zarananiwe. Ng’uko uko Murama yakubise abanyamakuru amashoti yigaramiye mu ntebe yagabiwe na FPR. Igihe cyari kigeze kugira ngo abanyamakuru bigenga baharanire uburenganzira bwabo bahabwa n’itegeko kandi babubone koko atari ubwa nyirarureshwa. Uburenganzira ntibutangwa ahubwo buraharanirwa, uwareba neza yasanga uretse na Gasasira wabashije kuvuga uwo yariwe, umenya n’abandi aho bukera bazajya bagenda babitubwira buhoro buhoro, icyo umuntu yavuga nuko ashobora kuba byinshi, niba atangiye kugabanuraho bike bike abigeza no ku bandi, umenya hari icyo bizatanga, bitaba ibyo akayamena yose. Cyakora twababwira ko aba banyamakuru bavuze muri icyo kiganiro Atari bo gusa bamaze gufata iy’ubuhungiro, kuko hari n’abandi bagiye bahunga ndetse bakinahunga, ubwo amaherezo arategerejwe

Nkusi-Uwimana Agnès

vendredi 21 mai 2010

Kagame bamutoresheje amashyi n’impundu

Mu nama nkuru idasanzwe ya 9 y’umutwe wa politiki wa FPR-Inkotanyi yari iteganyijwemo gutora umukandida wawo uzarihagararira mu matora y’umukuru w’igihugu, abanyamuryango bagize inteko itora muri FPR batoye Kagame Paul ku buryo budasubirwaho kuzabahagarira muri ayo matora nk’umukandida wabo. Iyo nama yatorewemo Kagame nk’umukandida wa FPR-Inkotanyi, yabaye mu mpera z’icyumweru gishize ku wa 15 Gicurasi 2010; ikaba kandi ari nayo yasorejwemo amatora y’ibanze yo gushaka umukandida wo ku rwego rw’igihugu yari yaratangiye mu mpera z’ukwezi gushize. Kuri iyo ngingo y’amatora mu nzego z’ibanze z’umuryango wa FPR-Inkotanyi, niho Kagame nawe yahereye ijambo rye nyuma gato yo gutorerwa kuba Kandida Perezida wa FPR. Kagame akaba yarashimye cyane gahunda yo gushimangira umuco wa demokarasi bahereye mu mutwe wa politiki wabo, ngo kuko asanga ari uburyo bwiza bwo gutanga urugero rwiza ku banyarwanda bose muri rusange. Yagize ati “nshimishijwe cyane n’igikorwa mwagezeho, cyo kuba mwarashoboje buri munyamuryango kwitorera umukandida umunogeye bihereye ku rwego ariho kugeza kuri uru rwego twaje gutoreramo uyu munsi. Icyo ni icyimenyetso cyiza cy’uko imikorere myiza no gushimangira demokarasi mu muryango wacu bimaze gutera indi ntambwe.” Muri iryo jambo yavuze nyuma yo gutsinda ayo matora, yagaragarije abanyamuryango bagenzi be ko icyizere bamugiriye gisubiye kumutera imbaraga zo gukomeza guharanira gusohoza inshingano nk’uko baba bazimuhaye. Kagame yahise agaragariza abanyamuryango ko impamvu ishyaka ryabo rikomeza kuza imbere mu bikorwa na za gahunda by’iterambere ry’igihugu ari uko bafite imigambi myiza ishobora guhangana n’ibibazo abanyarwanda bafite, bityo bikaba ariyo mpamvu nta muntu bakwiye gutuma yabasubiza inyuma muri iyo migambi myiza bifitiye ndetse banafitiye igihugu cyabo cy’u Rwanda. Kuri iyo ngingo akaba ariho yavugiye ko yemera ko abayobozi bashobora guhinduka, nabwo kubera amatora, ariko ngo intego z’igihugu atemera ko zikwiye guhinduka. Gusa avuga ko zishobora guhinduka zitera imbere imbere ariko badakwiye kwemera ko zahinduka zisubira inyuma. Iterambere riterwa na gahunda z’umuntu Kagame yagarutse cyane kuri gahunda z’iterambere zagezweho n’izigomba gukomeza gushyigikirwa kugira ngo imibereho myiza y’abanyamuryango n’abanyarwanda muri rusange komeze kwiyongera, aha yagize ati “abantu iyo bashatse koroshya gahunda z’iterambere birakunda kandi bakanarigeraho”. Kagame akomeza abwira abanyamuryango bagenzi be, ko aho iterambere ridakunda kugerwaho vuba biterwa n’imyumvire y’abo bantu bashaka kugera ku iterambere akenshi ngo kuko akenshi baba batumva kimwe ibibazo byabo bafite bibabuza kurigeraho mu gihe runaka barishaka. Aha, akaba ariho yabwiye abo banyamuryango ko mu nshingano bagomba kumufasha kugeraho ari iyo guhindura imibereho yabo by’umwihariko n’iy’abanyarwanda muri rusange. Yabivuze atya ati “ amajyambere abandi bagezeho natwe turayemerewe bityo tugomba kuyaharanira”, ku birebana n’icyo gikorwa cyo kuyaharanira yavuze ko kigomba gushingira kuri politiki nziza n’abayobozi beza u Rwanda rufite. Abasaba ko bashishikarira ibikorwa byiza byabateza imbere, maze imibereho myiza nayo ikaza iherekeje iryo terambere bazaba bamaze kugeraho; gusa yongera no kubibutsa ko atazigera abatenguha muri izo gahunda zose zashobora kubateza imbere. bamutumye guhatanira yagize ati Mu kiganiro yahaye abanyamakuru nyuma yayo matora yatubwiye ko no mu matora ya perezida wa Repuburika azaba ku ya 09 Kanama 2010, yizeye kuzayatsinda kubera ibintu byinshi ishyaka rye ryagejeje ku banyarwanda mu myaka irindwi ishize. Kagame yakomeje abwira abanyamakuru ko n’abahakana ko ntacyo ishyaka rye ryagejeje ku banyarwanda atari uko batabibona ahubwo ari uko badashaka kubibona, bamwe bakunze kwemera umutekano w’abantu n’ibyabo ariko bakanga no kubona ko n’umutekano w’inda nawo ishyaka rye ryawugezeho. Tubabwire ko muri ayo matora yo ku rwego rw’igihugu yari ayahanganyemo na Muligande Charles, Kangwagye Jestus na Kagabo Joseph bari barazamukanye nawe kuva ku rwego rw’Intara; ariko Nyirahabimana Solina wari uyoboye akanama kari gashinzwe amatora akaba yaratangaje ko abo batatu bandikiye ako kanama bakamenyesha ko kandidatire zabo bazikuyemo kubera ko uwo bahanganye babona agishoboye kurenza urwego bariho. Gakire Fidele

FPR yatinyaga MDR, gukuraho imva ya Mbonyumutwa ni ukurandura ibisigisigi bya Parmehutu

Mu mateka yaranze u Rwanda cyane cyane nyuma y’ubwigenge hakunze kuvugwa irondakoko n’irondakarere kwikanyiza no kwikubira imyanya. Ngo ibyo bikaba byarazanye na MDR Parmehutu ya Mbonyumutwa Dominiko na Kayibanda Gergoire babifashijwemo n’abapadiri bera, nka Mgr Andereya Perraudin w’i Kabgayi. Bamwe mu bayobozi b’iki gihe bari barahejejwe ishyanga n’iryo shyaka rya MDR Parmehutu. N’ubwo bivugwa ko ryahanaguwe mu mashyaka yo mu Rwanda bivugwa ko hari abakirifite ku mutima cyane ku bantu bakomoka mu Ntara y’Amajyepfo aho bita Gitarama.N’ubwo FPR ariyo ifite ubuyobozi hari ngo abayereka ko bayikorera kandi bayiryarya.Nayo imaze kubivumbura ifata izindi ngamba zo gukuraho bimwe mu bisigisigi bya Parmehutu nko kwambura ikibuga cy’indege cy’i Kanombe izina rya Gergoire Kayibanda Habyarimana yari yarakibatije, guhindura amazina y’uturere intara n’imisozi. Imbarutso yo kwimura imva ya Mbonyumutwa ni Mme Ingabire Victoire wagiye kuhunamira. Ariko biza bishimangira ko iriya Stade n’imva ya Mbonyumutwa byibutsaga abanyagitarama ko ishyaka ryabo rishinze imizi ntaho ryagiye.

Ibindi murabisanga mu kinyamakuru Gasabo No 84

Ucyifuza wakwandika E-mail kuri izi adress zikurikira:

kampatri@yahoo.fr

jeudi 6 mai 2010

La trêve en faveur du désarmement volontaire des FDLR

<<>

Kigali :
Les FARDC ont reçu l’ordre de cesser les hostilités sur les différents axes des territoires de Rutshuru, walikale et Lubero Sud (Nord-Kivu), où plusieurs attaques des forces négatives contre les positions des FARDC sont rapportées depuis plus d’une semaine, pour permettre et faciliter l’opération de ramassage d’armes et la reddition des FDLR au Programme œcuménique de paix, transformation des conflits et réconciliation (Parec).
Parec s’est donné la tâche de plaider pour l’installation de paix et réconciliation ainsi que la consolidation de la démocratie en République Démocratique du Congo. Selon le porte-parole de l’opération militaire Amani Leo au Nord et Sud Kivu, le major Sylvain Ekenge, cette situation s’explique par deux faits: D’abord sur l’axe Rutchuru, les FARDC ont reçu l’ordre de suspendre les opérations de traque des rebelles rwandais des FDLR pour permettre et faciliter l’opération de ramassage d’armes et la reddition des FDLR au Programme œcuménique de paix, transformation des conflits et réconciliation (Parec). « On nous a demandé de ne pas attaquer pour permettre la réussite de cette opération. Curieusement, coïncidence fâcheuse, il n’y a pas eu relâchement», se plaint le major Ekenge. «A Nyaleke, ce sont les Mai-Mai, alliés aux ADF Nalu, qui ont attaqué notre centre de formation », précise-il. « Après, c’était à Umate, le 23 avril: un carré minier a été attaqué. Il y a eu également attaque à Mubi et vers Kasiguru. » Pour le major Ekenge, c’est pendant cette période de trêve que les FDLR ont profité pour attaquer les positions de l’armée congolaise. Ensuite, il souligne que des groupes Mai-Mai, en complicité avec des populations locales, ont attaqué certaines localités. Sylvain Ekenge appelle toute la population à se désolidariser de ces Mai-Mai au bénéfice de la paix: «Et nous demandons franchement aux communautés du Nord et Sud-Kivu de se mobiliser pour sensibiliser leurs frères qui ont des armes. Parce que cela ne nous arrange pas. Notre ennemi commun, ce sont les FDLR.» Des ex-combattants FDLR qui ont rendu leurs armes aux autorités congolaises depuis le lancement de l’opération Amani leo, ont été déportés du Nord Kivu vers la Province du Katanga dans le Sud de la République Démocratique du Congo. Selon les média congolais, un total de 54 ex-FDLR et leurs dépendants sont arrivés lundi le 3 mai à Kisenge dans le territoire de Dilolo, près de 800 km de la ville de Lubumbashi. (Fin) RNA/ARI

What do the 4 Genocide suspects in Netherlands share

Kigali : The Genocide fugitives tracking unit has uncovered three more suspects living in the Netherlands – coming in addition to a former army major discovered by campaign group African Rights. RNA has pieced together details which suggest the four have several aspects they share.

The new three men are: Mr. Charles Ndereyehe Ntahontuye – ex-director of the agricultural institute ISAR-Rubona; Mr. Venant Rutunga – also from the same institute; and Mr. Jean Baptiste Nyabusore – ex-head of ISAE-Busogo, another agriculture school.

Government and Dutch prosecutors allege the three were involved in the 1994 Tutsi massacres. Mr. Ntahontuye and Mr. Rutunga are accused of being part of the killing machine in Butare – in Southern Rwanda. As for Mr. Nyabusore, the charge sheet covers the massacres in Mukingo – northern Rwanda.

RNA has uncovered details suggesting these three, and Maj. Pierre-Claver Karangwa thrown into the public domain by African Rights, are members of the troubled opposition group FDU-Inkingi. They were part of the group which was helping embattled Ingabire Victoire to set up structures in Europe.

Ms. Ingabire herself was living in the Netherlands, but FDU-Inkingi structures spread also powerfully in Belgium and Norway, according to available details. Their names appear on some meeting minutes of the group in 2007 and 2008.

As recently as November 2009, Mr. Ntahontuye, Mr. Rutunga and Mr. Nyabusore put their names to an online petition dubbed “Support Democratic Elections in Rwanda” – in apparent reference to the fourth coming August 09 elections. Some 463 Rwandans exiles signed up to the petition, including several exiled members of the party.

However, available information indicates that these men have preferred to offer support to FDU-Inkingi from the background – prompting speculation after they were identified as Genocide fugitives this week, that the three could have been hiding from something.

Venant Rutunga (PhD) is a “guest researcher” at the Dutch Wageningen University and Research Centre – ISRIC since April 2004. RNA is yet to get comment from the institute concerning the status of their employee and the accusations against him.

The institute’s websites also identifies him as: “He has wide professional experience in tropical agriculture and soils. Currently, he works on Quantitative Evaluation of Fertility in Tropical Soils (QUEFTS), with special attention for eight countries in southern Africa. Venant is also reviewing publications on Rwanda agriculture to identify which land management and planning strategies can ensure food and monetary income to the Rwandese.”

Over the past years, Mr. Rutunga has widely published material that is heavily critical of government in Rwanda but under the name “Kota Venant”.

Among the three alleged fugitives, only Mr. Charles Ndereyehe Ntahontuye (as seen in the photo) is found in the Interpol database as wanted for Genocide in Rwanda. He has been on the wanted warrant since July last year.

As recently as April 02 this year, Mr. Ntahontuye was publicly firing at the Kigali government with an online posting where he accuses the Kigali government of taking the country in a wrong direction. He argues that former Burundian president Pierre Buyoya chose the right path by handing over power to his opponent.

Mr. Jean Baptiste Nyabusore lives in Noord Brabant in the Eindhoven city. But few details are readily available as what he is doing there.
He has largely kept out of the limelight.

ARI / RNA